回主頁　ホームへ

其實今次行程都有ｄ無心插柳架∼　因為由籌備到出發前後都唔夠兩個月，真係有少少倉卒。最主要係自己開頭以為世界盃ｄ門票係好難買，所以無諗住真係去現場睇囉。及後（大約係３月中），我無啦啦又去 FIFA o既網頁睇睇，見尚有機會訂飛就梗係拿拿聲做野啦。直到門票 CONFIRM 晒，手續搞得一清二楚，再親手接過由世界盃 TICKET BUREAU 速遞寄來之 入場券，我先至可以放心開始計畫行程 & 訂機票／住宿咋∼　最後都能夠克服困難，順利完成整個行程。感覺係：大滿足！！

（原本行程係預左４個人，但其中２人遲遲都未能覆實我，結果被我飛左出局。真係唔好意思呀∼　或者下一屆 WORLD CUP 你地再請我去睇啦∼∼　）

今次行程另一大特色，就係特別多新體驗！有ｄ情況真係膽粗粗無有識死，連自己都估唔到。另外仲有一ｄ難忘 o既經歷，節錄如下：

初體驗：

Day 1：被女關員搜身！

Day 2：在日本剪頭髮　

Day 3：吃喝玩樂全日一個仙都唔使俾　

Day 4：請日本朋友食飯（唔係 AA 制 o既咩？）

Day 5：搭夜車（往長崎）中途無需去殊殊，一覺訓到大天光∼　

Day 6：夜行巴士：大阪 --> 東京（有今生，無來世！）

Day 8：世界盃現場觀戰：新潟スタジアム　

Day 8：TWILIGHT EXPRESS 列車上洗白白（只得６分鐘！好緊張∼）

Day 10：日本５大 DOME 首次造訪！（札幌 DOME）

Day 14：食唔晒個飛機餐∼∼　

忘れない事：

Day 3 & 4：分別得到兩位日本朋友 o既熱情招待。我請下你你請下我，中日兩地人民之友誼亦因此而增進不少∼　

Day 6：最西端到着！亦都完成左我 o既小小心願：日本本土東南西北四端極地制霸！ 　（大雄兄話齋：新居入伙拜勻四隻角∼∼）

Day 8 & 10：世界盃現場觀戰：場內場外之種種情景，實在令人難忘∼

Day 9：TWILIGHT EXPRESS 列車上與地道日本人促膝詳談。不分國籍不受言語阻隔，無拘無束暢所欲言，亦都唔理對方聽唔聽得明。　原來咁樣傾偈都幾過癮架∼

Day 11：盛岡冷麵 + 一小塊青森蘋果。絕得不能絕！！

後話２：

實在十分慚愧，呢次 2002 年 o既旅遊軼事，竟然要 2004 先至埋到尾∼　當中係受到種種不同之原因，令到我自己屢次脫稿，亦都令人擔心到今次遊記是否會爛尾收場 ...... 好彩最後都能夠堅持到底（還好，仲早過王衛大導演 o既 2046 ！）晌呢度再次多謝咁多位網友 o既支持 & 鼓勵 & 鞭策∼　有機會的話，再講多ｄ旅遊趣事俾大家知∼∼

As time goes by，當年 2002 所遇到 o既人與事，到左現在 2004 已經係今時唔同往日喇。同大家 UPDATE 一下先：

Day 11 & 12 所住 o既池袋 HOTEL CENTER CITY 已經光榮結業。

Day 3 於大阪會面 o既 zhizi 小姐自從該次大家熟落左之後，直到現在為止又再來多香港３次！（我都唔失禮人家，回敬番３次日本行∼）zhizi 亦斗膽地改左一個帶有香港地道色彩 o既 nickname 行走江湖，名為「小虎」！　大家如果行行下街聽到有人嗌「小虎」，而回應者竟然係一名日本籍女子，千祈唔好俾佢嚇親∼∼

TOMOKO （Day 4 會面）亦已於去年年中誕下麟兒，仲要係一索得男！恭喜恭喜∼　小晴晶（はるあき）而家已經差不多１歲喇∼　希望佢快高長大，第時大個帶埋爹地媽咪多ｄ來香港消費，振興經濟∼　TOMOKO 亦要加油∼∼

<全卷完>