回主頁　ホームへ

第十四日　６／７（金）　 安全抵港

早機飛１０點，7:30 先至咬埋個早都仲得∼　話時話呢間 SKYCOURT NARITA 個早餐 BUFFET 真係唔錯喎∼　500 yen 和洋料理全部任食，真係唔好客氣呀∼　計埋尋晚宵夜個「夜食王咖哩飯」（昨晚實在太肚餓喇∼），結果而家簡直係飽到上心口。亦都導致稍後在航機上 o既飛機餐 LUNCH，出現左食唔晒 o既罕見現象∼　空姐收餐時Ｌ君失驚無神爆左句：「I'm not hungry ...」　神態非常有型！

（廣告時間：唔使蒸唔使叮，側面有條野輕輕一拉，等幾分鐘就熱辣辣香噴噴有得食∼　各大超市／便利店，甚至自動販賣機都有得賣！食唔慣飛機餐的話不妨買兩盒上機啦∼　隔離前後位 o既乘客見到一定羨慕得要死∼∼）

下午二時安全抵港。１４日話咁快又過左喇∼　有無ｄ唔捨得日本？當然有啦∼　不過都唔得閒諗呢樣喇∼　今晚英格蘭 vs 阿根廷生死大戰，要拿拿聲返屋企養精蓄銳準備今晚睇呢場波！啊∼　摷番件英格蘭波衫先∼∼

＜第十四日完＞

早：早餐 BUFFET @ SKYCOURT 成田

午：半份飛機餐

晚：對住個電視睇波食左乜都唔知

住：ただいま！