回主頁　ホームへ

第八日　６／１（土）　 ^{愛爾蘭　vs　喀麥隆}

好喇，係時候去球場。新潟站前 SHUTTLE BUS 送迎あり，真係十分方便。（不過要持有入場券先俾搭喎。）上到車全部都係愛爾蘭人咁滯。一開車，更加不得了！所有人即時起哄，個個擘大個喉嚨狂嗌；跟住車尾唔知邊個帶頭唱歌，仲要係唱唔停果隻！我對耳仔雖然受罪，但氣氛一流。車程唔使１５分鐘，但沿途當地市民見到我地架車都向我地揮手示意，場面溫馨感人。「好客之道」咪就係呢ｄ囉。

新潟スタジアム（ビッグスワン）NIIGATA STADIUM (BIG SWAN) 到着！未有耐開波，但係晌球場外面已經有為數約幾十名愛爾蘭籍球迷，發晒顛咁圍個大圈聞歌起舞，仲周圍撩人搞搞震添！我掛住四圍�E靚女，冷不提防一個唔小心俾人捉住，係都要同我影相。HEY GUYS！影還影，做乜俾頂綠帽我戴？？

好在小弟稍後都唔執輸，搵番ｄ省鏡�� LADIES 同埋卡哇兒�鴾p女孩一齊拍下寫真，總算不枉此行。（�鵅H乜唔係黎睇波�麉均H）好，搞左一大輪，都仲未捨得入場喎，因為球場外面仲有ｄ攤位遊戲玩丫嘛。又係射龍門？今次幾大都要入番球，如果唔係點對得住廣大球迷�儮岸O支持？結果我稍為聚精會神，臨起腳前擺靚個�恁A輕輕一 CHIP 就入晒兩球。在場職員妹妹仔都戥我高興，笑得都不知幾開心！！

入場喇。球場設施真係正到痺，宏偉壯觀，直達國際級水準。望落去草地，亦都係綠油油一片，無得彈啦。搵到個靚位對號入座，附近全部都係愛爾蘭球迷，�畬矷I佢地由此至終都係繼續不停唱歌吶喊助威，失驚無神玩下傳國旗。成大塊「綠・白・橙」國旗覆蓋範圍有成十幾行，唔係野少。不過玩時玩，開左波就唔好再傳喇，遮鬼住晒唔使睇波咩？陣間萬一入左波，睇唔到就真係嬲死呀！好喇，搭正三點半開波 KICK OFF！詳情唔講喇，記錄係１：１和氣收場。大家已經晌要俾錢�鵅uＫ寶」電視台果度睇晒成個比賽過程啦。（影唔影到我呀？Ｌ君話本來打算完場之際衝落球場裸跑博上鏡！！好彩被我及時制止！）

散場後第一時間鬆人，因為要趕返去新潟再轉車去新津。19 : 38 準時登上呢架由大阪開出�鵅u寝台特急トワイライトエクスプレス」( TWILIGHT EXPRESS) 直往札幌。第二朝９點先至到達目的地，今晚應該有覺好訓�N・・・

＜第八日完＞

早：和式傳統朝食

午：麥姑多啦 LU 墮　（即係麥記）

晚：新津站前洋式豚肉鐵板定食

住：寢台特急 TWILIGHT EXPRESS：Ｂ寢台上格碌架床

第八日 Part I