回主頁　ホームへ

第六日　５／３０（木）　最西端へ

今朝五點幾天未光就靜靜雞起身。鬼鬼祟祟，去邊？！去展望風呂浸多一劑囉。一般來講，大家去旅行果陣就梗係希望天氣好架啦！小弟都唔例外；不過浸溫泉呢，又唔係話囉喎。日光日白好似唔多�� FEEL。煙雨凄迷，反而別有一番景緻。天色朦朧，外面下著濛濛細雨，帶有少許寒意；獨自一人靜靜地浸晌暖泡泡�麰概f當中，望住個天空由漆黑一片慢慢轉為魚肚白再等到完全光晒，仲加上幾聲鳥語幾陣花香・・・woo∼∼，簡直係人生一大快事！呢種境界真係可遇不可求。去旅行歎世界成個人 RELAX 晒咪就係呢ｄ囉！「男人最歎算這種∼∼♪」

食完個早餐就要喳喳臨起行喇，因為今日行程將會非常緊密，節目豐唔豐富就唔敢包喇。今日係歷史上一個偉大�鴾擗l，因為小弟將會繼上次亂咁行之旅去過宗谷岬＆佐多岬之後，（另外2001年靜靜雞去過最東端納沙布岬）再次有機會踏足於日本�鼣抮搕圻a──本土最西端。呢個地方比起上次最南端更加偏僻更加杳無人至，係我咁傻先至會去！之前上網查過，旅遊書亦搵過，都只係約略提提，點樣去搭咩車好似無人講過喎！唯有到時再問人啦。對我地來講真係一個大考驗哩。（大石SIR地理教室：日本本土最端地（唔計離島）一目了然。大家快ｄ打開張日本地圖，睇下呢四個篤篤晌邊度？）

返到去佐世保站，再行過隔離巴士總站查詢有關路線。啊，有喇。原來本土最西端係位於小佐佐町��神崎鼻公園；我一講中呢個 KEYWORD 就即刻搞掂。站長指一指，我地即刻上巴士。呢度�屩冪�服務態度真係唔錯，不過個公司名就奇怪左少少──叫做「西肥バス（BUS）」。（大家千祈唔好掉轉讀，否則責任自負。）十點半開車，車程大約一粒鐘。由於目的地並唔係總站，所以司機大佬話到站果陣會提我地。好呀，咁我瞌一瞌先囉。

「到着です。」到站喇，唔該。呢個站叫做神崎入口，我地就由呢度開始徒步前往最西端。行行重行行，尋幽探秘�儱P覺就愈來愈濃厚。四周都係一ｄ小屋，望向遠處又有個小港灣，岸邊泊左幾隻小艇。環境清幽寧靜，山明水秀，完全係漁港小鎮 FEEL。（有少少似大澳，又少少似大浪西灣・・・大家自己想像下啦。）雖然沿途一路落住毛毛細雨，但都無阻我地欣賞沿途景色�龠挪部C就係咁樣行左大約３０分鐘，路牌�麉�示亦愈來愈似樣。到喇！終於見到門口喇！再稍為行上去，神崎鼻公園＆本土最西端之碑就在前方；歷史時刻即將見證。好興奮∼∼