2002 FIFA WORLD CUP 觀戰大体驗

回主頁 ホームへ

 
DAY 4 May 28 (Tue)
平成 14 年   5 / 6
19 20 21 22 23 24 25
26 27 28 29 30 31  1
 2  3  4  5  6  7  8
 9 10 11 12 13 14 15

 

 

第四日 5/28(火) 名古屋(速去速回)

尋日唔知醒唔緊要,今日就唔好制呀。因為10點要 CHECKOUT,遲左俾人罰錢就唔抵啦。晌酒店寄存行李之後(今晚稍後返來),就輕輕鬆鬆拎住個背囊仔繼續上路。第一站,就係 UCC 咖啡博物館喇。晌香港鴾擐▲W市經常可以買到呢隻牌子鴭@啡;飲得多咯,咪想睇下佢鴷芠ㄨL程係點樣囉。(CHECK 下佢地有無靜靜雞加d甜菊代糖落去)じゃあ,見学に行ってきま∼す。

 

三ノ宮再轉 PORT-LINER 無人駕駛列車到人工島 PORT-ISLAND 南公園站(有d似東京果架「百合海鷗號」出去臨海副都心)。博物館就晌隔離,一望就見到,快d行過去睇睇先。咦,做乜人影都無隻架,唔係休館丫嘛?咁邪?好彩唔係。門口有開架,不過就好似真係得我一個訪客咋喎。唔好理喇,入去先講。入場料 210 円。入到去,裡面環境比我想像中細好多。與其話呢度係 MUSEUM,不如話係一間大d檭E頭仲貼切。(我諗最多一次過只可以容納 30 人左右。)不過都有d野睇鵅G展示室入面介紹晒咖啡嚝史、起源、製作過程等等;圖文並茂,對咖啡有研究麊B友來講就真係獲益良多。小弟睇過晒之後,亦於最後 QUIZ 環節答五中四,結果獲頒發「UCC 咖啡榮譽博士」證書一張!返到來香港搵工都靠佢咯。

 

去 MUSEUM SHOP 買埋少少手信,最後梗係要飲番杯正宗炭燒咖啡先至走啦。喫茶室就晌隔離,揀個窗口位望下街景再加多杯 Continental Frost,你地話我係咪好識歎呢!

 

 

原來時候都唔早,要趕返去新神戶站先至得喇,因為今日又會去名古屋探另一位友人。約左兩點正,結果我遲左十五分鐘,真係唔好意思。今次已經係同 tomoko 第三次見面喇,佢係我第一個識鴾擖貌B友,亦都可算係睇住我成長(日本語方面)。由初初用少少英文溝通+大量手寫漢字,到現在可以講得兩咀(雖然來來去去都係果幾句),但都叫做有進步丫。好,今次一於強迫自己全日文對答,俾個意外驚喜佢都好。見到 tomoko 喇 !無見一排,肥左又靚左喎∼∼(我都係)

 

呀,今次又會帶我去邊度玩呢?上兩次分別去過名古屋城,熱田神宮,榮(SAKAE)一帶。今次就去市役所參觀一下。其實都無乜特別,都係介紹下名古屋市嚝史呀,發生過咩大事呀咁囉。不過隔離果幢市政資料館就幾得意,因為呢度以前原來係裁判所,所以建築物鴷~形都保留住幾十年前果種洋式建築風格。置身其中,仲有d覺得好似係拍緊「 HERO 」麊k庭場面添!

 

跟住去食飯。望下隻錶:4點?咁呢餐叫 LUNCH 定係 DINNER 好呢?來到呢間家庭料理 空色曲玉,淨係睇個門口你都好難估到佢係餐廳,仲以為係普通民居添。呢度「味自慢 」鼢N係所有食物都係無添加不含人造色素,全部材料由附近農場日日新鮮運到,包保你食得開心又放心。平時餐餐大魚大肉的我,偶爾食番一次清清地高纖維有機栽培自家製無農藥傳統住家菜,調理下腸胃,排毒美顏佬都慳番唔使買!小弟亦於呢次機緣巧合之下,食左人生中第一啖史上最惡啃之食物--納豆!!味道如何??都OK喎,至少我都食得晒呀。另外其他菜色都係五穀&野菜,連飯後甜品都整個百年好合永結同心(少甜唔該),最後都係捧住個肚走。大滿足∼∼!「我食飽喇。ごちそうさまでした。」

 

時候都唔早咯, tomoko 再車我周圍兜一兜睇下風景,跟住都要返屋企喇。今次相聚時間係短左d,但大家都好開心咁暢談左一個下午。佢真係好好人,臨走仲送埋我去名古屋站(距離屋企車程 45 分鐘),真係麻煩晒!SAYONARA∼∼下次唔知幾時先再見面呢?

 

七點半返到新神戶同L君會合,再去酒店拎番行李。今晚呢餐係應L君之要求,去品嚐一下名氣響噹噹黚咫嶀。不過行勻成條街,睇來睇去都無乜邊間琱艉禲C一係就太貴,一係就滿席,結果都係揀左間食 shabu-shabu 算數。哎呀,我頭先晏晝果餐都未落格,唔抵呀∼∼十碟牛肉我食得3碟咋,其餘就俾L君包辦晒。喂,回水!

 

9:25PM 三ノ宮上車,聽朝一早就會到達長崎。我地都未去過架,即管睇下會有乜野新體驗?

<第四日完>

 

早:UCC 咖啡飛沙走奶

午:4點鐘先至食:營養住家菜

晚:神戶牛しゃぶしゃぶ (shabu-shabu) 食べ放題

住:寢台特急あかつき:→長崎

 
前言

第一日 東京

第二日 獨自去神戶

第三日 相逢在大阪

第四日 神戶名古屋(速去速回)

第五日 長崎・佐世保

第六日 最西端へ

第七日 越後湯沢・新潟

第八日 新潟:現場觀戰大體驗

第九日 札幌到着

第十日 小樽・札幌ドーム

第十一日 回到東京

第十二日 東京:重點出擊

第十三日 池袋:終極掃貨

第十四日 安全抵港

後記

唔該埋單

UCC 咖啡1杯

450 円

 

博物館入場料 + 買手信

2,310 円

 

LUNCH我請客:

4,000 円

 

晚餐-神戶牛:

お1人 2,500 円

 

住宿:

寢台特急あかつき普通車指定席(JR PASS唔使補錢)

0 円