回主頁　ホームへ

第三日　５／２７（月）　大阪で会いましょう

本來諗住今朝一早起身去北野異人館一帶遊覽一下，點知一擘大眼望下個鐘，原來已經１１點幾喇。今日約左日本朋友 zhizi 小姐晌大阪心齋橋 PARCO 門口等，若然第一次見面就遲到就真係失禮死人。好在時間方面計算準確，搭新幹線由新神戶去新大阪再轉地下鐵去心齋橋，剛剛好及時趕到。

有過尋晚用日本語交談�儭g驗，今日再要同日本人傾偈我已經無咁驚青喇。雖然講來講去都係果三兩句，但感覺到對方係聽得明・・・�N，「大丈夫ですよ！」拍兩野心口壯下膽先。而且 zhizi 亦都學左廣東話幾年，聽聞都講得唔錯架。（佢個芳名亦都係廣東話拼音）好，陣間一於 CHECK CHECK 佢講得正唔正先。

見到 zhizi 喇，打聲招呼先。「夏之咩媽是爹。」「nei hou。」「哈哈哈・・・」跟住我淨係識得傻笑。zhizi 好好人，特登下晝請半日假，話帶我周圍行下玩下咁喎。我又無乜主意喎，因為其實大阪已經來過好幾次；除左 USJ 未去過之外，其他景點都無乜所謂，就由佢�階D意啦。肚仔餓，去食飯 LU！

我地去左美國村附近一個商場入面一間食肆，大大隻字「お好み燒き・味自慢」咁話喎。不過食落又真係幾好味喎，果然係名物無介紹錯。我地一路食一路傾，談話內容當中 60% 係關西派廣東話，30% 大石流日本語，10% 寫漢字＋手語，仲有少許係大家都唔知 UP 乜而不了了之。跟住問起佢點解咁鍾意香港呀？嘩，一講就收唔到掣，如數家珍咁一五一十講晒佢ｄ香港旅遊經歷出來。 やっぱり係一個如假包換�麰輕銊g！咁醒，下次真係要叫佢帶帶路，我連去元朗都搭錯車呀陰功！

跟住去難波站，會合 zhizi 另一位友人。呢位自稱「謝ｘ鋒超級 FANS」 亦都十分喜愛香港以及中國文化，而且仲一路學緊中國語（普通話）添！佢講得唔算好流利，但發音之準確令小弟非常慚愧。（要我講「四十四石獅」之類�儭隉A我全部幫你轉晒「屎屎屎屎屎」都似！）一行３人行行下，無厘頭行左入去千日前�鵅u道具屋筋」商店街。成條街都係賣廚具，刀刀叉叉沙鍋烹�慼F另外有ｄ舖頭係賣食店ｄ小擺設，掛布，食具容器之類，連收銀機都有。大家如果諗住晌香港開番間食店，來呢度入貨實無走雞！

晚飯時間，佢地帶我去一間都算幾地道�鴭~酒屋，ｄ食物地道得黎個環境又唔會話嘈喧巴閉果隻。坐低之後原來 zhizi 仲有朋友２個跟手登記，即係話我要１個對４個！！無辦法喇，最後絕招都要出喇。於是小弟拿拿臨拎部日文字典機出來，慢慢逐個字砌下砌下再組織一輪先至表達到自己想講�鼣央C結果今次晚飯時間小弟�鴾擖遙y，比起頭先進步左好多！談話內容大約係：

30% 廣東話＋普通話

29% 標準關西腔日本語（佢地四人互相交談）

31% 大石流日本語

其餘�巀~續係唔知 UP 乜而不了了之。

小弟係進步左１％�鵅C其中�鴷N表作，就係用日文解釋香港 MTR 個 LOGO  �鴷悃�。佢地聽到之後開心到一齊拍掌！啊，我亂咁吹水佢地咁都明，偷偷地掩住半邊咀笑果個係我先至真！！

食完飯臨走仲要去喫茶店坐多陣，跟住就散水。佢地實在太好人喇！全日食左咁多餐，１円都唔使我出，係都要請我咁話喎。好，下次有機會來香港，我一定會盡地主之誼請你地食餐勁�鵅I

「今日は，本当にありがとうございました！」

（由於當事人不願出鏡，小弟唯有邀請久違�儱���５虎友情客串。唔該晒！）

＜第三日完＞

早：唔知醒

午：大阪名物：お好み燒き

TEA：甜到漏日式紅豆沙

晚：心齋橋附近不知名居酒屋

お茶：晚飯後唔夠皮，再去隔離地下２階咖啡店飲杯茶食件餅

住：GREEN HILL HOTEL 神戶（２連泊）