回主頁　ホームへ

第二日　５／２６（日）　獨自去神戶？

今日會同Ｌ君分道揚鑣；Ｌ君話想晌東京留多兩日，我就會去神戶。皆因出發之前已經 CHECK 過今日有場世界盃熱身賽：英格蘭 vs 喀麥隆 會晌神戶舉行，所以咪諗住博大霧睇下有無臨場飛賣囉。CHECK-OUT 後１１點食埋個 LUNCH 就匆匆趕去東京站搭新幹線。到達新神戶都差不多下午３點咯，再趕去球場我諗都已經開左波。晌酒店 CHECK-IN 果陣驟然發覺電視有直播，所以諗諗下索性留晌酒店房間裡面睇算數。（科拿臨尾追成２－２，真符碌）

之前來過神戶兩次，但住就係第一次。今次揀左呢間 GREEN HILL HOTEL 神戶 ，位於新神戶站＆人氣旺盛之三ノ宮・元町之間，o岩晒我去兩邊都咁方便。附近環境都算係幾幽靜，帶有少少歐陸式悠閒情調。酒店正門外有間小教堂，各位如果情到濃時想即刻拉埋天窗�儭隉A完全唔係問題。舉行完婚禮再去酒店入面擺番幾圍都仲得！

睇完波，去街街。由三ノ宮站至元町一帶幾條街，可算係神戶市o既都心。人來人往各式商店食肆令人目不暇給。剛剛遇正頭先場波散場，成街都係英國球迷（ or 日本球迷不過著晒英格蘭波衫），令到呢個本來已經帶有些少歐洲色彩o既城市更添幾分身處外國之氣氛。

其實今次去神戶仲有另一個目的，就係做「飛髮入境者」！話明今次日本行要有新體驗丫嘛，乜都試下囉，使死咩？（其實自己有少少淆底。）況且萬一飛得唔靚，仲有個幾禮拜先至返香港，睇怕都有時間留長ｄ卦。好，一於咁話！今晚唔知會唔會飲嘉ｘ伯∼∼但之前就一定會飛個靚髮！！周圍行下行下，望來望去間間 SALON 都好似差不多咁；最後終於憑自己的直覺，揀左間要上樓o既舖頭。∼∼呀∼∼好緊張呀，要講日文呀！上到去都唔知講乜好。一個唔覺意UP錯左，飛左個河童頭我就真係邊到都唔使去咯。唉，一切聽天由命啦。（請留意圖中地面果間係 GALLERY 精品店，並唔係 SALON。樓上著住燈果間先至係！）

上到去，估唔到係一位妙齡女子迎接我。於是我用盡生平以來所學過�鴾擗敺元挭嬪琩穩曮Y痴漢，只係想洗個頭飛個髮咁o者。好彩佢都明白，跟住仲招呼我入去坐添！（掂喇掂喇，溝通到呀）。入到去，發覺原來呢間 SALON 都算係小規模家庭式經營，座位得４個咁大把；不過ｄ裝修簡單得黎都好乾淨企理，俾到我一個良好印象。坐低之後仲有茶點招待，跟住大家就嘰哩咕嚕溝通一番。原來呢度真係家族生意，負責操刀�� STYLIST 正是佢姐姐。不過佢剛剛出左去幫人剪，而家正在歸途中，所以阿妹妹問我洗住頭先好唔好。梗係好啦！仲唔拿拿聲！・・・唔，手勢都幾好。不過佢為左唔想整濕我一張俊臉，於是搵塊大紙巾遮一遮我塊面，搞都我好似透唔到氣，我就唔係咁習慣喇！（晌日本好似瓜左老襯先至係咁個喎！啋！）

姐姐返來啦！大家寒暄一番係咁意講解下我想點剪，跟住就開始為我削髮喇。可能我呢隻男仔頭無乜難度，佢三兩下手勢就已經搞掂。不過最令我滿意o既，就係「剷青」果陣並無用到晌你耳邊轟轟隆隆o既剷草機，而係好有心機咁用把較剪慢慢逐ｄ逐ｄ咁 CHIP 上去。啊，邊有咁細心架！剪完之後真係有ｄ感動∼∼

埋單盛惠 4500 円 + TAX。唔算好平但有咁�麊A務質素，乜都抵番晌度啦。臨走梗係拍張寫真先啦！跟手仲醒多我一張 POINT CARD ，貯夠 20 次（！）可以當 4000 円使。喂，大家幫幫手，下次有興趣記得問我借張 CARD 呀！

（左邊妹妹，中間家姐，右邊無事に剃完頭した大石）

＜第二日完＞

早：無食

午：目黑站附近日式燒魚定食

晚：三ノ宮四天王拉麵 + 餃子

住：GREEN HILL HOTEL 神戶